ମଜାକ୍ - Witticism


କେତେ ସହଜରେ କହିହୁଏ
ମୁଁ ଯାହା କହିଲି, ସବୁ ମଜାକ୍ ଥିଲା
ଖୁବ୍ ଛୋଟ ସ୍ମିତହାସ୍ୟର ଆଢ଼ୁଆଳେ
ହେଲେ ଗୁଡ୍ ନାଇଟ୍ କହି ଫୋନ୍ କାଟିଲା ପରେ
ମୁଁ ଶୋଇ ପାରେନି, କରି ଶତଚେଷ୍ଟା
ତୁ କହିଥିବା ପ୍ରତ୍ୟେକଟି ଶବ୍ଦ
କଳଙ୍କଠୁ ଅଧିକ ଭାରି ଲାଗନ୍ତି
ମୋ ନିଃଶ୍ବାସର ଗତିରେ ଆସେ ଶିଥୀଳତା
ଯେମିତି ଅଟକି ଯିବେ ମୃତ୍ୟୁର ପ୍ଲାଟଫର୍ମରେ
ଲୁଚି ଲୁଚି, ମୋତେ ନଜଣାଇ
ଘଣ୍ଟା-ଘଣ୍ଟା ପଡି ରୁହେ ବେଡ଼ରେ ଶବପ୍ରାୟେ
ଛାତରେ ଝୁଲୁଝିବା ପଂଖାକୁ ଅନାଇ
କେତେ ସହଜରେ.....

ଆଶ୍ଚର୍ଯ୍ୟ ! ତୁ କେମିତି ଶୋଇଯାଉ
ଆଚିନ୍ତା ନିଦରେ, ସକାଳ 9.30 କ୍ଲାସର
ବାହାନା ଦେଇ, ଏକ ଶକ୍ତ ଧକ୍କାରେ
ଠେଲିଦେଉ ମୋତେ; ତୋ ଚିନ୍ତା, ଚେତନା
ଏବଂ ସ୍ୱପ୍ନର ପରିସୀମା ବାହାରକୁ
ତୋ-ମୋ ଭିତରେ ଦୂରତା କେବଳ ୧୫୧୭ କି.ମି.
ହେଲେ, ତୋ ଶବ୍ଦ ମାନେ ଫିଙ୍ଗି ଦେଇ ଆସନ୍ତି
ତୋଠୁ ଅସଂଖ୍ୟ ଆଲୋକ-ବର୍ଷ ଦୂରରେ
ଯେଉଁଠି କେବଳ ପୂରି ରହିଥାଏ ଶୂନ୍ୟସ୍ଥାନ
ମୁଁ ମୋ ଅସ୍ଥିତ୍ୱ ହରାଇ ଘୂରିବୁଲେ
ଯେମିତି ଘୂରିବୁଲନ୍ତି ଉତପ୍ତ ନକ୍ଷତ୍ର
ଉଲ୍କା ହୋଇ ଝରି ପଡିବା ଅପେକ୍ଷାରେ
କେତେ ସହଜରେ ......

ସକାଳୁ ଲୁହଭିଜା ଆଖିରେ
ହାଲକା ଜମାଟ ବାନ୍ଧିଥିବା ନିଦ,
ଭାଙ୍ଗେ ତୋ ଗୁଡ୍-ମର୍ଣିଂଗ୍ ଫୋନ୍ କଲ୍
ଢାଳୁୁ ଅଯାଚିତ ଭଲପାଇବା
ଦରକାରଠୁ ଅଧିକ ମଧୁଭିଜା ଚୁମ୍ବନ ବର୍ଷା
ଡାୟାବେଟିସ୍ ରେ ଆକ୍ରାନ୍ତ ହେଲାଭଲି
ମିଶ୍ରି ପରି ସ୍ନେହଭରା କଥା
ତୋ ଟୋନ୍ ରେ ଥାଏ, ସମ୍ମୋହନ କଲାପରି
ଏକ ଭିନ୍ନ ରୋମାଣ୍ଟିକନେସ୍
କାଲି ରାତିଠୁ ସମ୍ପୂର୍ଣ୍ଣ ଭାବେ
ଅକଳ୍ପନୀୟ ପରିବର୍ତ୍ତନ ତୋ ବ୍ୟବହାରରେ
ଭାବେ, ତୁ ସେଇ ନା, କେଉଁ ବହୁରୂପୀ ?
କେତେ ସହଜରେ .......

ବିଶ୍ୱାସ କରିପାରେନା
ତୋତେ, ତୋ ଭଲପାଇବାକୁ
ଲାଗେ, ଦେଖୁଛି ମୁଁ ଦିବାସ୍ୱପ୍ନ
ଯାହା ନିଶ୍ଚୟ ଭାଙ୍ଗିବ ଯେକୌଣସି ମୁହୂର୍ତ୍ତରେ
ସେଇଠି ବିଫଳ ହୁଏ ମୋର ସମସ୍ତ ଚେଷ୍ଟା
ତୋତେ ଗୋଟାପଣେ ଚିହ୍ନିବାର
ମୁଁ ଜାଣେ, ପୁଣି ଫିଙ୍ଗି ଦେବୁ ତୁ, ଦୂରକୁ
ଦରକାର ପୂରଣ କରି,
ହଁ ! ରକ୍ତସ୍ନାତ ହେବି କାଲି ରାତି ପରି
କିନ୍ତୁ, ମୁଁ ଦୋହରାଏ, ସେଇ ପୁରୁଣା ଭୁଲ୍ କୁ
ପୁଣିଥରେ ଭଲପାଏ ତୋତେ
ବିନା ଦ୍ୱିଧାରେ, ମୋର ସର୍ବସ୍ବ ଲୁଟାଇ
କେତେ ସହଜରେ........
**************************************
Painting Credit
Artist - Heather Morgan
Category - Painting
Painting Type - ink on paper
**************************************  

Comments

Post a Comment

Popular posts from this blog

ଅଭିମାନ (Sulk) ତୁମର ସଵୁ ଅଭିମାନ                       ସୁଦୁ ପିଲାଳିଆମୀ ବାପ୍ ରେ! ରାଗିଯାଅ                        ଛୋଟଛୋଟ କଥାରେ ବସିଯାଅ ମୁହଁ ଫୁଲାଇ                         ମିରର୍ ସାମ୍ନାରେ ମିଛ ରାଗ ତଳେ ଲୁଚିଯାଏ ତୁମ ମିଠା ହସ ଗୋଟିଗୋଟି କରି ଗଣିବସ ମୋର ଦୋଷ ହେଲେ ଜାଣେ, ତୁମେ ଭଲପାଅ                        ମୋତେ ଓ ମୋ ଦୁଷ୍ଟାମୀ ତୁମର ସବୁ ଅଭିମାନ                        ସୁଦୁ........ 
Read more

The Ghat is waiting: ତୁଠ ଚାହିଁ ଥାଏ!!

Image
  ତୁଠ ଚାହିଁ ଥାଏ !! ଗାଧୁଆ ତୁଠ ପଥର ଉପରେ  ପାଦକୁ ତୁ ମାଜୁ ଯେବେ ଶାନ୍ତ ନୀଳ କଇଁ  ବିରକ୍ତ ହୁଏ  ରୁଣୁ ଝୁଣୁ ତୋ ପାଉଁଜି ଶବଦେ ତୁ ବୋଧେ ତାର - ପ୍ରେମିକ ଭଅଁର  ତା ପାଖୁ ନେଉ ଦୂରେଇ କୁହୁକିନି ତୋ ଆମାନିଆ ଲାଜେ  ସରିତ ଦେହେ ତରଙ୍ଗ ଯାଏ ଭରି  ଅତି ଆଲାଯୁକି ସାଙ୍ଗ ସାଥି ମେଳେ ବିଭୋର ଯଉବନ ରଙ୍ଗେ  କେତେ ବ୍ୟଙ୍ଗ କରେ ତୋ କାନ ଝୁମୁକା  ହଂସ ଯୁଗଳଙ୍କ ସଙ୍ଗେ ଗୋଲାପ ଦୁଧିଆ ଦେହରେ ତୋର ହଳଦୀ ମାଖି ଯେବେ ପାଣିକୁ ଯାଉ  ଫୁଲେଇ ପଳାଶର ଟାହି ଟାପରା  କେମିତି ତୁ ଯେ ସହୁ ? ବୁଢ଼ା କଇଁଆ ଅନନ୍ତ ଯୁଗରୁ  ପ୍ରଶାଖା ଦେଇଛି ମେଲି ଗୋଧୂଳି ଲଗ୍ନର ସେ ନୀରବ ସାକ୍ଷୀ  ଗାଁ ଭୁଆସୁଣୀ ଙ୍କ ଲାଜ ରଖେ  ତୁ ଓଦା ଲୁଗା ଯେବେ ତା ପଛେ ବଦଳୁ  ସେ ଚଗଲା ନିମକୁ - ଦୁରେଇ ରଖେ  ତୁ ଗାଧୋଇ ଫେରିବା ଉତ୍ତାରେ -ଯେବେ ସନ୍ଧ୍ୟା ଛୁଇଁ ଯାଏ ଗାଁ  ଶଶୀ କିରଣରେ କଇଁ ଦିଏ ହସି ନିଷ୍ପାପ ଶିଶୁ ଓଠେ ଚୁମା ଦେଉଥାଏ ମା  ଅଳଙ୍କାର ପିନ୍ଧି ସରିତ ଝଲସେ - ଖଦ୍ୟୋତ ରସୋଣୀ ଆଲୋକେ  ତୁଠ ଚାହିଁଥାଏ ସିନ୍ଦୁରା ଫଟାକୁ ତୋ ଫେରା ବାଟକୁ ଆହା... ************************************** Painting Credit Artist - Tanvir Ahmed Khan Category - Painting Painting Type -Watercolour art Link:  https...
Read more

I am not the same: ମୁଁ ଆଉ ଆଗ ଭଳି ଲେଖୁନି

Image
ମୁଁ ଆଉ ଆଗ ଭଳି ଲେଖୁନି !! ମୁଁ ଆଉ ଆଗ ଭଳି ଲେଖୁନି ଅସଜଡା ଶବ୍ଦ ମାନେ ଅସମର୍ଥ  ମୋ ଭାବାବେଗକୁ ପ୍ରକାଶ କରିବାରେ ଖୁବ୍ କୋଳାହଳ ପୂର୍ଣ୍ଣ - ମୋ ଭାବନାର ଇଲାକା ସବୁ ପ୍ରୟାସ ପରେ ବି ଭାଗଶେଷରେ ରହିଯାଏ ଏକ ଅଛିଣ୍ଡା ଅଙ୍କ   ହଁ ! ତୁମେ ତ' ଥିଲ ମୋର ପ୍ରଥମ ଶ୍ରୋତା ବହୁ ଉତ୍କଣ୍ଠାର ସହ ଶୁଣ ମୋ ସାମ୍ନାରେ ବସି ମୁଁ ଦେଖିପାରେ , ଅତି ଚମତ୍କାର ଭାବେ ଜୀବନ୍ତ ହେଇ ଉଠନ୍ତି  ନିରସ ନିର୍ଜୀବ କବିତା ସବୁ ତୁମରି ଝଲ୍-ମଲ୍ ଆଖିରେ କିନ୍ତୁ, ମୋତେ ଭାରି ଇର୍ଷା ଲାଗେ  ତୁମେ ବୋଧେ ଭଲପାଅ  ମୋ କବିତା ମାନଙ୍କୁ - ମୋ ଠାରୁ ଅଧିକ  ହସିହସି ଛିଗୁଲାଅ ବିଭିନ୍ନ ଆଳରେ  ମୋର ସବୁ ମିଛ ଅଭିମାନ ମିଳେଇ ଯାଏ ଏକ ସ୍ମିତହାସ୍ୟରେ ମୁଁ ଆଉ ଆଗ ଭଳି ଲେଖୁନି... ତୁମେ ଥିଲ କେଉଁଠି ନା କେଉଁଠି ମୋ ପ୍ରତ୍ୟେକ ଟି ରଚନାର କେନ୍ଦ୍ରବିନ୍ଦୁ ପ୍ରେରଣା ତୁମଠୁ ଓ ଗଢଣରେ ତୁମରି ଛାପ କଲମରୁ ଝରୁଥିଲା ମନମୁଗ୍ଧକର  ଶବ୍ଦ ଝଂକାର  ପ୍ଳାବିତ କରୁଥିଲା ଡାଏରୀର ପୃଷ୍ଠାଗୁଡ଼ିକୁ ହଁ ! ଅତି ନିର୍ଲଜ ଭାବେ ମୁଁ ସ୍ୱୀକାର କରେ,  ତୁମେ ଥିଲ ମୋର କବିତା ଆଢ଼ୁଆଳେ ଖୁବ୍ ସନ୍ତର୍ପଣର ସହ ଏକ ଅନନ୍ୟ ଛନ୍ଦ ଅଳଂକାର ରୂପ ନେଇ ଯାହା ପାଠକଙ୍କୁ ଛୁଏଁ  କାହିଁକି ନୀରବ ହୋଇଗଲ? ଏବେ ମୁଁ ବି ଚୁପ୍  ମୋ କଲମ ବି ଚୁପ୍ ଯେତେ ଆଦରେ ଡାକିଲେ ବି, ଅଝଟ ଶବ୍ଦ ମାନେ ଚାଲି ଯାଆନ୍ତି ମୁହଁ ମୋଡ଼ି ...
Read more